lørdag, mars 25, 2006

Laurdag

Vel, pulsen min er attende til normalt (rundt 80 ståande på stovegolvet, mot 105 sist helg då eg hadde verk i overkjeven). Så den svake hovudpina kjem truleg ikkje frå ein infeksjon denne gongen. På tide å ta ein times spasertur, slik eg brukar å gjere på laurdagar. I Søgne var butikken omlag så langt unna at det høvde, her er butikkane så mykje nærare at eg ikkje har det å skulde på. Så det blir til at eg berre går for å gå, endå så mykje det byr meg imot. Men kroppen treng å haldast vedlike når ein nærmar seg 50. I denne alderen hadde mor mi allereie høgt blodtrykk og byrjande sukkersjuke, etter det eg minnest. Far min fekk sukkersjuka seinare, men det er litt i seinaste laget når du står der med diagnosen i handa.

Sjølsagt kan det hende eg kjem under ein lastebil, og all gåinga har vore til inga nytte. "Et sunt, tren regelmessig, døy likevel." Så berre for å vere på den sikre sida har eg tenkt å nyte turen. Eg tek med meg fotoapparatet og min Sony Network Walkman (det er deira Sonyspråk for MP3 spelar).

Ja ne, minna-san!

2 Comments:

Blogger Lizz said...

"Under en lastebil", du - fælt så optimistisk du var i dag, da...

Men - hvordan ser MP3-spilleren din ut? Jeg vurderer nemlig å få meg en ny. Min "kjære" iPod nano har nemlig på uforståelig vis fått seg en trøkk på skjermen (nei, jeg har ikke mistet den i gulvet eller dunket den mot noe, som jeg vet om!), og dermed er det bare bilde på halve skjermen, og det bildet som er der er blekt og uleselig. Dessverre reparerer de ikke såkalte støt-skader på garantien, så jeg er en smule irritert, både på iPod'en, folkene i butikken og til og med på meg selv, siden jeg ikke engang vet hva som har skjedd...

Men i alle fall - hvordan ser spilleren din ut, og hvor mye musikk får du på den?

12:02 p.m.  
Blogger Magnus Itland said...

Bilete av spelaren og soga om kvifor eg kjøpte han (på engelsk) på http://chaosnode.net/oct05/di051012.html

Den har berre 512 MB minne, men den tilsvarande modellen idag har 1GB etter kva eg nyleg høyrde.

1:43 a.m.  

Legg inn en kommentar

<< Home