Første vitjing frå brannvesenet

Til alt hell var dette ein førebyggjande inspeksjon, ikkje ei utrykking! Denne karen, som óg arbeider som feiar her, var både nede i kjellaren og inn på soverommet for å inspisere pipa. Han fortalde meg at ved ein pipebrann kan det bli 1000 grader, ikkje berre øvst men heile vegen ned, og pipa kan slå sprekker. Då er det ikkje lurt å ha strietapet på.

Det undrar meg at dei kan kome på dette no etter at huset har stått sidan 1968. Men det er vel heller slik at i den tida tok ein ting meir som dei kom. "Sett slikt, der brann huset ned. Jaja, det var vel ein Herrens vilje med det." I våre dagar, derimot, er det knapt nok akseptabelt å døy av alderdom eingong. Og når sant skal seiast, likar eg sjølv den nye tankegangen betre.